Mission News

മാധ്യമം ജീവനക്കാരുടെ സത്യഗ്രഹ സമരത്തിന് MJWUയുടെ ഉറച്ച പിന്തുണ

കൊച്ചി: മാധ്യമം ദിനപത്രത്തിലെ ജീവനക്കാർ ആരംഭിച്ച രാപ്പകൽ സത്യഗ്രഹ സമരത്തോട് മീഡിയ ആൻഡ് ജേർണലിസ്റ്റ് വർക്കേഴ്സ് യൂണിയൻ (MJWU) സമ്പൂർണ്ണ പിന്തുണ പ്രഖ്യാപിച്ചതായി ദേശീയ കമ്മിറ്റിയോഗം അറിയിച്ചു.

“തൊഴിലാളികളുടെ ശബ്ദം അവഗണിക്കുകയും അവരുടെ അടിസ്ഥാന അവകാശങ്ങൾ നീണ്ടുനിൽക്കുന്ന വിധത്തിൽ തടസ്സപ്പെടുകയും ചെയ്യുന്ന പ്രവണതകൾ നമ്മുടെ സമൂഹത്തിൽ വേഗത്തിൽ സാധാരണവൽക്കരിക്കപ്പെടുന്നതിനെ ഞങ്ങൾ വളരെ ഗൗരവത്തോടെ കാണുന്നു. മാന്യമായ തൊഴിൽ നിബന്ധനകളും സമയബന്ധിതമായ ശമ്പളവും ഉറപ്പിക്കപ്പെടേണ്ടത് ഒരു സ്ഥാപനത്തിന്റെയും തൊഴിലാളികളുടെയും അടിസ്ഥാന അവകാശ-ബാധ്യതകളുടെ ഭാഗമാണ് എന്ന് നാഷണൽ പ്രസിഡൻറ് ശ്രീമതി അജിതാ ജയ് ഷോറിയുടെ അദ്ധ്യക്ഷതയിൽ ചേർന്ന ദേശീയ യോഗത്തിൽ എടുത്ത ഏകകണ്ഠമായ തീരുമാനം പ്രകാരം, MJWU വ്യക്തമാക്കി.

തൊഴിലാളികൾ അവകാശങ്ങൾ ആവശ്യപ്പെടുന്നതിനാൽ അത് “അനുകൂലിക്കാനാവാത്ത” പ്രവൃത്തിയായി കാണുന്ന സമീപനങ്ങൾ സമൂഹത്തിന്റെ തൊഴിൽ സംസ്കാരത്തെയും മനുഷ്യാവകാശ മൂല്യങ്ങളെയും ദോഷകരമായി ബാധിക്കുന്ന ഒരു തെറ്റായ ധാരയാണ് എന്നാണ് MJWU പ്രസ്താവനയിൽ മുന്നറിയിപ്പ് നൽകുന്നത്.

സമാധാനപരവും നിയമപരവുമായ സമരങ്ങൾക്ക് ജനാധിപത്യ വ്യവസ്ഥയിൽ ഒരു സുപ്രധാന സ്ഥാനം ഉണ്ടെന്നും, ജീവിക്കാനുള്ള അവകാശം സംരക്ഷിക്കാനായി തൊഴിലാളികൾ ഉയർത്തുന്ന ശബ്ദത്തിന് എല്ലായ്പ്പോഴും MJWU പിന്തുണ നൽകുമെന്നും ദേശീയ കമ്മിറ്റി വ്യക്തമാക്കി.

മാധ്യമ രംഗത്തിന്റെ സ്ഥിരതയും പ്രവർത്തകരുടെ ക്ഷേമവും ആണ് വാർത്താ മേഖലയുടെയും ജനാധിപത്യത്തിന്റെയും അടിത്തറയെന്ന് യൂണിയൻ കൂട്ടിച്ചേർത്തു.

യോഗത്തിൽ നാഷണൽ പ്രസിഡൻറ് ശ്രീമതി അജിതാ ജയ് ഷോറും മറ്റു......... ദേശീയ ഭാരവാഹികളായ സെക്രട്ടറി അഡ്വ: വിപിൻ കുമാർ, വർക്കിംഗ് പ്രസിഡന്റ്എം.പി മുഹമ്മദ് കോയ  സാഹിബ് , ട്രഷറർ നിപുൺ ജോയ് , വൈസ് പ്രസിഡന്റ് ശില്പ സിജിൻ കുമാർ , സംസ്ഥാന നേതാക്കാളായ പ്രസിഡന്റ് ശശി കളരിയേൽ , ജനറൽ സെക്രട്ടറി ഡോ. ഷാജഹാൻ മൂലത്തറ, . സെകട്ടറി റാഫി തിരൂർ എന്നിവർ പങ്കെടുത്തു.