പാലക്കാട് സിപിഎം ലോക്കല്‍ കമ്മിറ്റി അംഗത്തെ വെട്ടിക്കൊലപ്പെടുത്തി

പാലക്കാട്: പാലക്കാട് സിപിഎം ലോക്കല്‍ കമ്മിറ്റി അംഗത്തെ വെട്ടിക്കൊലപ്പെടുത്തി. പാലക്കാട് കൊട്ടേക്കാട് കുന്നക്കാട് സ്വദേശി ഷാജഹാന്‍(40) ആണ് കൊല്ലപ്പെട്ടത്. സിപിഎം മരുത റോഡ് ലോക്കല്‍ കമ്മിറ്റി അംഗമാണ് ഷാജഹാന്‍.

രാത്രി 9.15 ഓടെയാണ് സംഭവം നടന്നത്. ബൈക്കിൽ എത്തിയ രണ്ട് പേരാണ് വെട്ടിയതെന്നാണ് പ്രാഥമിക വിവരം. ഗുരുതരമായി പരിക്കേറ്റ ഷാജഹാനെ ആശുപത്രിയിലെത്തിച്ചെങ്കിലും മരണം സ്ഥിരീകരിച്ചു.

കൊലപാതകത്തിന് പിന്നിൽ ആർഎസ്എസ് ആണെന്ന് സിപിഎം. ഷാജഹാന് സാമൂഹ്യ മാധ്യമത്തിലൂടെ ഭീഷണി ഉണ്ടായിരുന്നതായി എ പ്രഭാകരൻ എംഎൽഎ. ഷാജഹാന് വധഭീഷണി ഉണ്ടായിരുന്നതായി പഞ്ചായത്ത് പ്രസിഡണ്ടും പറഞ്ഞു