മുല്ലപ്പെരിയാർ: പാട്ടക്കരാർ കത്തിച്ച് പ്രതിഷേധിക്കുമെന്ന് ജനസംരക്ഷണ സമിതി

കൊച്ചി: മുല്ലപ്പെരിയാർ അണക്കെട്ടുമായി ബന്ധപ്പെട്ട വിഷയത്തിൽ ശക്തമായ പ്രതിഷേധവുമായി ജനസംരക്ഷണ സമിതി. അണക്കെട്ടിന്റെ ജലനിരപ്പ് 136 അടിയിൽ നിന്ന് താഴ്ത്തണമെന്നും, കേരളത്തിന്റെ സുരക്ഷ ഉറപ്പാക്കുന്നതിനുള്ള അടിയന്തര നടപടികൾ സ്വീകരിക്കണമെന്നും സമിതി ആവശ്യപ്പെട്ടു.
സംസ്ഥാന താൽപര്യത്തിന് വിരുദ്ധമായി 1970-ൽ പുതുക്കിയ മുല്ലപ്പെരിയാർ പാട്ടക്കരാർ റദ്ദാക്കാൻ സർക്കാർ നടപടി സ്വീകരിക്കണമെന്ന് മുല്ലപ്പെരിയാർ ജനസംരക്ഷണ സമിതി ആവശ്യപ്പെട്ടു. 1995-ൽ തിരുവിതാംകൂർ മഹാരാണി മദിരാശി സർക്കാരുകൾ തമ്മിൽ ഒപ്പുവച്ച കരാർ 1947-ലെ രാജ്യത്തിന്റെ സ്വാതന്ത്ര്യ പ്രഖ്യാപനത്തോടെ അസാധുവായതാണെന്ന നിലപാടും സമിതി മുന്നോട്ടുവച്ചു.
1970-ലെ കരാർ വ്യവസ്ഥകളും സംസ്ഥാന നിയമസഭയുടെ നിലപാടുകളും മറികടന്ന് ബാഹ്യ സമ്മർദ്ദങ്ങൾക്ക് വഴങ്ങി നിലവിളിലെ കരാർ പുതുക്കിയത് ചോദ്യം ചെയ്യപ്പെടേണ്ടതാണെന്ന് സമിതി ചൂണ്ടിക്കാട്ടി. സംസ്ഥാന താൽപര്യവും സുരക്ഷയും മുൻനിർത്തി നിലവിലെ കരാർ റദ്ദാക്കണമെന്നും അണക്കെട്ടുമായി ബന്ധപ്പെട്ട നിയമനടപടികൾ ശക്തമാക്കണമെന്നും സമിതി ആവശ്യപ്പെട്ടു.
സംസ്ഥാന സർക്കാരിനെതിരെ പ്രത്യക്ഷ പ്രതിഷേധ പരിപാടികൾ സംഘടിപ്പിക്കുമെന്നും സമിതി അറിയിച്ചു. പ്രശ്നത്തിൽ അടിയന്തര നടപടി ഉണ്ടായില്ലെങ്കിൽ പാട്ടക്കരാർ കത്തിച്ച് പ്രതിഷേധം നടത്താനും തീരുമാനിച്ചിട്ടുണ്ട്.
മുല്ലപ്പെരിയാർ അണക്കെട്ടിലെ ജലനിരപ്പ് 136 അടിയിൽ നിന്ന് താഴ്ത്തണമെന്ന് ആവശ്യപ്പെട്ട് വിവിധ ഘട്ടങ്ങളിൽ സമിതി നിയമപരമായ നടപടികൾ സ്വീകരിച്ചുവരികയാണ്. ജലനിരപ്പ് സംബന്ധിച്ച വിഷയത്തിൽ കേരളത്തിന്റെ സുരക്ഷയ്ക്ക് മുൻഗണന നൽകണമെന്നും സമിതി ആവശ്യപ്പെട്ടു.
സംസ്ഥാനത്തെ ജനങ്ങളുടെ ജീവനും സ്വത്തിനും ഭീഷണിയാകുന്ന സാഹചര്യം ഒഴിവാക്കാൻ അണക്കെട്ടിന്റെ സുരക്ഷ സംബന്ധിച്ച വിഷയത്തിൽ കേന്ദ്ര-സംസ്ഥാന സർക്കാരുകൾ അടിയന്തര ഇടപെടൽ നടത്തണമെന്നും സമിതി ആവശ്യപ്പെട്ടു.
മുല്ലപ്പെരിയാർ വിഷയത്തിൽ സുപ്രീംകോടതിയെയും കേന്ദ്രസർക്കാരിനെയും സമീപിക്കുന്നതിനുള്ള നടപടികൾ ശക്തമാക്കുമെന്നും സമിതി വ്യക്തമാക്കി. കേരളത്തിലെ വിവിധ ജില്ലകളിൽ നിന്നുള്ള ജനപങ്കാളിത്തത്തോടെ പ്രതിഷേധ പരിപാടികൾ സംഘടിപ്പിക്കാനും തീരുമാനിച്ചിട്ടുണ്ട്.
സമിതി ഭാരവാഹികളായ അഡ്വ. റോയി വാരിക്കാട്ട്, ജനറൽ കൺവീനർ പി.ടി. ശ്രീകുമാർ, പി.ആർ. ഷിബു തുടങ്ങിയവർ വാർത്താസമ്മേളനത്തിൽ പങ്കെടുത്തു.

റിപ്പോർട്ടർ: സാജു തറനിലം